Fe‘ilâtün Fe‘ilâtün Fe‘ilâtün Fe‘ilün(1)
1. Hâb içinde gözüme ol ruh-ı zîbâ görinür
Teşneye vâkı‘asında nitekim mâ görinür
2. Kanlu yaşum görinürse n'ola çeşmümde rahîk
Şîşede bâde-i rengîn musaffâ görinür
3. Mihr-i rahşân ‘ıyân iken olur leyl nihân
Ruhuñ üstinde neden zülf-i şeb-âsâ görinür
4. Göricek yârı n'ola hâba getürürse kişi
Baksa beyzaya gözin yumsa çü beyza görinür
5. Kanlu yaşı boyamışdur yüzini Emrînüñ
hayretinden dimeñüz çihresi hamrâ görinür
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
