Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Gündüzin göstermez oldı halka kendin mâhveş
Şîve ögrendi zemistânda meger senden güneş
Mihr ü mâhı çarh idinmiş gice gündüz dönderür
Rişte-i ‘ömrine gerdûn halkuñ olmış sürme-keş
Ey göñül çün kim semend-i himmete olduñ süvâr
Kimseye bakma hemân şehr-i visâle togrı eş
Gel soyun meydân-ı ‘ışka gir eriseñ zâhidâ
Niçe bir şeytânile halvetde tutarsın güreş
‘Işk bir der-bend-i hâyildür menâr servleri
Gâfil olmasun Behiştî eksük olmaz anda leş
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
