Mef‘ûlü/ Fâ‘ilâtü/ Mefâ‘îlü/ Fâ‘ilün
Güller çemende olmasa pür-bâde câmlar
Serv-i sehîde olmazdı bu hırâmlar
Mihrâbveş kaşuñ senüñ ey kıblegâh-ı Kuds
Bir kûşedür ki meyl ider aña imâmlar
Tîg-i müjeñle ‘âşıkları eyleme helâk
Eksüklik eyleyenleri ‘ışkuñ tamâmlar
Düşnâmlar işitdi lebüñden sevindi cân
Hasretden irdi hasrete gûyâ selâmlar
Kûyuñda seglerüñ yerin emr it Behişti’ye
Lâyıkdur ehl-i cennete ‘âlî makâmlar
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
