188
Mefâ‘îlün/ Mefâ‘îlün/ Mefâ‘îlün/ Mefâ‘îlün
Gülistân-ı melâhatde yine bir serv-kâmet var
Kıyâm itse gören aydur kıyâmetden ‘alâmet var
Benüm evvel nazarda aldı ‘aklum kıldı dem-beste
Nigâruñ bilmezin kim çeşm-i mestinde ne hâlet var
Sen ol şâh-ı cihânsın tîg-i hicrânuñla ben öldüm
Ne sende rahm u insâf u ne bende sabr u tâkat var
Ne bir lahza benüm anlardan ayrılmak diler göñlüm
Seg-i kûyuñla yâr olmaga bende ne liyâkat var
Perîler mecma‘ı olmış görüp bezm-i safâ-bahşum
Didi bir rind-i ‘ârif sende ey Ravzî kerâmet var
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
