Gül yañâguñuñ şavkı-la hayrândur u vâlih (593/1)
Pes saña kim oldı dahı kim ola müşâbih
Göñül ne aceb oldı-sa zülfüñe perîşan (593/2)
Kimdür ki bu sevdâya düşüp olmaya tâyih
Hâlüm ne-durur zülfüñ-ile bâœ-ı sabâdan (593/3)
Sorgıl ki saña oldur olur-ısa müşâbih
Hüsn âyetini nesh idemez hat yañaguñdan (593/4)
Muhkem olanı nesh nice_ide müteşâbih
Îmân bigi cândan dahı yigrek seni sevdi (593/5)
Men âmene bi’llâhi ve âyâti kitâbih
Her kanda lalüñ añıla cân unudılur (593/6)
Kanda ki şeker ola nedür zikr-i fevâkih
Düşdi_Ahmedi ol gussaya zülfüñ girihinde (593/7)
Kim akl dahı cân bigi olur orada vâlih
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
