-132-
Fe`ilâtün Fe`ilâtün Fe`ilâtün Fe`ilün
 
1 Gül-şen-i dehrde zevk eyleyecek günlerdür
 Ak şükûfeyle agaçlar sanasın çâderdür
2 `Oddur nâlelerüm sînede hod âteş-i gam
 Kulzüm-i gamda göñül sandalı micmerdür
3 Hâne-i dil ki kızardur anı âteş-i gam
 Fikr-i kalbüñle hemân külbe-i âhen-gerdür
4 Gördi kan agladugum acıdı ol şîrîn-leb
 Sevinüp kesb-i safâ eyleyecek demlerdür
5 Ey Ziyâ’î niçe gencîne olur vuslat-ı dost
 Halka halka saçınuñ turreleri ejderdür
 
 
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ