Fâ`ilâtün fâ`ilâtün fâ`ilâtün fâ`ilün
1 Gül gurûr-ı hüsn ile almış ele bî-dâdını
Dinlenüz bülbüllerün şimden girü feryâdını
2 Söyleşürdi o dehân-ı teng-i şekker-bâr ile
Alabilse gonce şîrîn lebleründen dadını
3 `Andelîb-i hoş-sadâ bir gülşenî dervîşdür
Mushaf-ı gülden okur subh ü mesâ evrâdını
4 Nâsıhâ pendün kabûl olmaya şâyed diyesin
Hayf kim pîr-i mugânun tutmadum irşâdını
5 Devr-i gülde bâdeden Yahyâ'yı vâ`iz men` ider
Tek anunla eglesün âdem dil-i nâ-şâdını
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
