Gözüñe kanum halâl itmek dilersin itmegil (400/1)
Bini halka pâyi-mâl itmek dilersin itmegil
Ayı düşürdi mehâka yüzüñüñ ışkı senüñ (400/2)
Güneşe dahı zevâl itmek dilersin itmegil
Zülfüñüñ ışkı-y-ıla kim ol-durur cîm-i cefâ (400/3)
Büküben kaddümi dâl itmek dilersin itmegil
Saçuñuñ sevdâsı başdan gide dirsin cevr-ile (400/4)
Bunda key fikr-i muhâl itmek dilersin itmegil
Dâm-ı anber koyubanuñ dâne-i müşg üstine (400/5)
Cânı sayd-ı zülf ü hâl itmek dilersin itmegil
Gözlerüñ yilter seni kim alasın cânumı zâr (400/6)
Zâlime uyup vebâl itmek dilersin itmegil
Ahmedî cân isder-ise yâr anı terk it aña (400/7)
Cân-ıçun ne kîl ü kâl itmek dilersin itmegil
https://ekitap.kulturturizm.gov.tr/Eklenti/10591,ahmedidivaniyasarakdoganpdf.pdf?0
