Gözüñ kemîni kîn nice ider bu hastaya (595/1)
Merdüm olan şikest ider mi şikesteye
Lalüñ ki rûh-ı kudsden urur nefes neçün (595/2)
İtmedi bir ilâcı şifâ işbu hasteye
Kimdür ki diye deste-i reyhân saçuña kim (595/3)
Hayrân-durur benefşe vü sünbül bu desteye
Sultân dahı görürse işigüñ gedâyını (595/4)
Diye bahuñ bu tâli ü bahtı hucesteye
Göñül dutuldı zülfüñe kim ola dest-gîr (595/5)
Bu kamu bend ü ukdede bu pâyı besteye
Dirler ki gözüme niçe ter-dâmen olasın (595/6)
Nef ola mı ögüt bu inân-ı güsesteye
Dil-bestesin bu zülfe halâs umma Ahmedî (595/7)
Kim irdi işbu ukdede bir cân-ı resteye
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
