Gözüñ belâsı kasd-ı dil ü cân ider o hay (694/1)
Zülfüñ hevâsı gâret-i imân ider o hay
Sünbül saçuñ belâya salar cânumı zi hoş (694/2)
Gonca lebüñ bu derdüme dermân ider o hay
Sensüz vebâldür baña cân derdi ışkuñuñ (694/3)
Alursa anı baña zi ihsân ider o hay
Şîrîn-mezâk ider lebüñüñ fikri cânları (694/4)
Yüzüñ hayâli göñli gül-istân ider o hay
Gamzeñ füsûnı cânlar alurken kılur lebüñ (694/5)
Anı bu câna çeşme-i hayvân ider o hay
Zülfüñe bâœ-ı subh iricek bu âleme (694/6)
Ne anber ü ne müşg-i perîşân ider o hay
Çün vasf ide ol leb ü dendânuñ Ahmedî (694/7)
Zî nazm-ı lal ü lü’lü-yi ummân ider o hay
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
