fâ’ilâtün fâ’ilâtün fâ’ilâtün fâ’ilün
1 Gözlerüñ beytü’l-haremde ihtisâb itmekdedür683
Leblerüñ âbı dehânuñ pür-şarâb itmekdedür684
Tahta-i sîmîn-cebînüñde eyâ zerrîn-külâh
Hâcibeynüñ diz çöküb her dem hisâb itmekdedür
Bir gice mihmân ola diyü hayâl-i hâlüñi
Dil tenûr-ı sînede bagrum kebâb itmekdedür685
Cân kuşın zülfüñ ‘ikâbı aluben çengâline
Nâle-i feryâdın işitmez ‘ikâb itmekdedür686
5 Kanumı dökdi revân gamzeñ dişin biler henûz687
N’idügin bilmen günâhumnı ‘itâb itmekdedür
Vah ne çâbük-destdür hoş çarh urur bâd-ınesîm688
Mûyuñı mû-tâb kimi pîc ü tâb itmekdedür689
Rûşenî vechüñ senüñ her bâbile hoş şerhider690
Cem’ idüb mecmu’a-i hüsnüñ kitâb itmekdedür
Dr. Orhan Kemâl TAVUK
