Fe`ilâtün fe`ilâtün fe`ilâtün fe`ilün
1 Gösterür sünbül-i ter zülf-i perîşanı ucın
Goncenün kimse dahı görmedi dâmânı ucın
2 Mâh-ı nev böyle neden âleme garrâlanmak
Hiç bir kimse ısırmış mı anun nânı ucın
3 Bildirür haddini mâh-ı neve ceybinden o mâh
Her kaçan kim çıkara hançer-i bürrânı ucın
4 Aşıkun cevr ile kanın kurıdur ol âfet
Tâ ki âlûde-i hûn itmeye peykânı ucın
5 Dil-i sevda-zede pûlâd mıdur ey Yahyâ
Yârün endîşe ider nâvek-i müjgânı ucın
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
