Mef‘ûlü Mefâ‘îlü Mefâ‘îlü Fe‘ûlün
1 Gördüm o mehi vasl-ı temennâya degermiş
Yektâluk ile itdügi da‘vâya degermiş
2 Murg-ı dili hem-meşreb-i ‘ankâ geçinürken
Bend itmege ol zülf-i semensâya degermiş
3 Ol Yûsuf-ı sânîye alur göz ile bakdum 3a
Hüsnini mezâd eylese dünyâya degermiş
4 Bir âfete dil vir ki diye halkı cihânun
Reşk ü hased ü ta‘ne-i a‘dâya degermiş 4b
5 Bülbülleri de gülleri de hârı da hod-bîn
Seyr it ki cihân bâgı temâşâya degermiş 5b
6 Âgâh dimiş bu gazeli gûş idüp ol mâh 6a
Hüsnüm gibi tahsîn-i ehibbâya degermiş
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
