132*
FāǾilātün/FāǾilātün/FāǾilātün/FāǾilün
1. Gördi kim bī-ħod yatur düşmiş dil-i bīmārumuz
Śu seper merdümlük idüp çeşm-i gevher-bārumuz
2. Sīnede tīr-i ħadengüňden ķalan peyķān ile
Śan ki dürc-i gevher oldı sīne-i efkārumuz
3. Sırr-ı Ǿuşşāķı beyān itmekdedür cādū gözüň
Çeşm-i mestüňden bilinür Ǿāķıbet esrārumuz
4. Dilden āteşden ħayālüň dīdeden yaşdan ķaçar
Derd-i ĥasret birle lā-büd artar āh u zārumuz
5. Sen gerekse ħalķa ižhār it gerekse ŧınma hīc
Her kişi bilür kim ey dil bī-vefādur yārümüz
6. Dāstān-ı Ǿışķuňa bismillāh idelden Münīr
Oldı ħoş đarb-ı meŝel Ǿālemde her güftārumuz
Ersen Ersoy, Münirî Dîvânı, : T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2017 ISBN: 978-975-17-3803-5 Ana Yayın Numarası: 3557 Kültür Eserleri Dizisi-560
