Mef‘ûlü Fâ‘ilâtü Mefâ‘îlü Fâ‘ilün(1)
1. Gördi ki kendüden bih olur gabgab-ı habîb
Bu gayret ile kendüsin asdı nihâle sîb
2. Şevk-ı ruhuñla kıpkızıl od oldı yandı gül
Zâr olmasun mı üstine bî-çâre ‘andelib
3. Öpmek müyesser ola mı ey kaşı yâ didüm
Bir gez iki kaşuñda seni didi yâ nasîb
4. Öldüm belâ vü derd ile n'itsün devâ baña
Başum ucında seng-i mezârum mısın tabîb
5. Bir üstühân ki yanmış ola anı seg yimez
Bu sûhte teni ne alur agzına ol rakîb
6 Zülfi hamında gabgabını gördüm Emriyâ
Bitmiş didüm bu dalda ra‘nâ vü latîf sîb
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
