Gör Hakı ne nakş ider sebze vü bâg üstine (597/1)
Bah ki ne hoş hulleler saldı bu tag üstine
Mûsi-yi İmrân bigi bah agaca gör nice (597/2)
Şem-i şükufe yanar tal u budag üstine
Lâleye bah gör ki Hakkuñ al harîri nice (597/3)
Bâl düzetmiş-durur bir kara zâg üstine
Tâbı yüzüñüñ n’ola yahar-ısa cânumı (597/4)
Nûr ola pervâne kim düşe çirâg üstine
Âb-ı Hayât isdeyü geldi Hızr dir gören (597/5)
Müşg-nefes hâlüñi lal dudag üstine
Dâg toludur içüm lâle bigi fürkatüñ (597/6)
Kasd ider kim girü dâg ura dâg üstine
Çünki sabânuñ eli çöze saçuñ bendini (597/7)
Deste-i reyhân düşe lâle yañag üstine
Rahmeti çohdur Hakuñ sâgar-ı şekker getür (597/8)
Sufiye lanet ki olur bal-ıla yag üstine
Pîr-durur Ahmedî ışk-ıla yigit olup (597/9
Gör ne kararur gözi ol yüzi ag üstine
