Göñül kişi sevem dir-iseñ gel bu yârı sev (538/1)
Nakş u nigâr isder-iseñ bu nigârı sev
Hoş tâze nev-bahâr-durur cânlara yüzi (538/2)
Ger cân var-ısa sende bu hoş nev-bahârı sev
Yâkûtı añma ol leb ü dendâna kıl nazar (538/3)
Müşgi unıt bu turre-i anber-nisârı sev
Cân lezzetin diler-iseñ ü ömr râhatın (538/4)
Cân u dil-ile ömr bigi sen bu yârı sev
Yârı gerekse derdine ışkuñ tahammül it (538/5)
Diler-iseñ ki elüñe gül gire hârı sev
Gördüñ anı ki nûr olur çünki yana şemc
(538/6)
Dahı sen olayım dir-iseñ nûr nârı sev
Şehr ü diyârı cennet olur yâruñ Ahmedî (538/7)
Cennet gerekse saña bu şehr ü diyârı sev
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
