Göñül cihânda isdeyü cânâ ne bulmadı (689/1)
Buldı velî senüñ bigi cânâne bulmadı
Ol cânâ vây kim taab-ıla taleb idüp (689/2)
Bir yol bulam didi_irmege cânâna bulmadı
İy niçeler ki cân u dil-ile_idüp ârzû (689/3)
Bir dem yüzüñi görmege biñ câna bulmadı
Genci bu ışkuñuñ vatan eyledi göñlümi (689/4)
Çün dünyada anuñ bigi vîrâne bulmadı
Zülfüñ selâsili nice cânları itdi kayd (689/5)
Arada bir benim bigi divâne bulmadı
Ger ben lebüñe irmedüm-ise ne çâre kim (689/6)
Kimsene râh çeşme-i Hayvâna bulmadı
Gavvâs-ı fikri gör gözümüñ bahrına talup (689/7)
Çog isdedi dişüñ bigi dür-dâne bulmadı
Ferzîn-sıfat yüridi göñül her yaña velî (689/8)
Saña nazîr bir şeh-i ferzâne bulmadı
Mazûr dut ki yoluña cân virdi Ahmedî (689/9)
Çün saña ol dahı şükrâna bulmadı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
