Mefâ‘ilün Fe‘ilâtün Mefâ‘ilün Fe‘ilün
1 Gönül bu derd ü gam-ı câvidân dükenmez mi 1a
Dükendi sabr u cefâ-yı bütân dükenmez mi 1b
2 Ne şem‘ kaldı ne pervâne yanmaduk bu gice
Derûn-ı dildeki sûz-ı nihân dükenmez mi
3 Kalur mı böyle nuhûsetde kevkeb-i ikbâl
Bizümle keş-me-keş-i âsumân dükenmez mi
4 Hazân irişdi vü gül geçdi dahı evvelden
Dürûg-ı va‘de-gî-i sâkiyân dükenmez mi
5 Dil oldı kâkül-i hûbân gibi siyâh Âgâh
Henûz ârzû-yı nev-hatân dükenmez mi
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
