Gönül bir kişiye virse kişi kim hâlini bilse (586/1)
Ya-hûœ bir derdine anuñ esirgeyüp devâ kılsa
Benüm bahtumı görgil kim göñül bir kişiye virdim (586/2)
Ki bir zerre kayurmaz ol benüm bigi hezâr olsa
Kişi bir rence düşdükde soragelse anı yârı (586/3)
Ya derd-ile kan aglarken gözinüñ yaşını silse
Ne gerek cevri çekmege ya sabr eylemege derde (586/4)
Kişi cevrüñ ucın bulsa ya sabruñ âhırı olsa
Şikâyet mi ide-y-idi kişi ışkuñ belâsından (586/5)
Eger bir zerre yârından inâyet varını bilse
Cefâdan uşanup göñül peşîmân olsa işinden (586/6)
Ya-hûœ aklını dirşürüp kişiden bir ögüt alsa
Rızâ vir Ahmedî cevre bu ışkuñ şartı oldur kim (586/7)
Şikâyet itmeye âşık anı maşûk oda salsa
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
