Mefâ‘îlün Mefâ‘îlün Mefâ‘îlün Mefâ‘îlün
 
1 Gönül bilmem ne şem‘ün pertev-efzûn oldı nûrından
Ki fânûs-ı hayâl-i sîneye sıgmaz huzûrından
 
2 Müyesser olmadı hergîz safâ-yı neşve-i zâtı
Cihânun ‘âciz oldum sâhte zevk ü sürûrından
 
3 Nümâyân âsmândur sanma ‘ömrün reh-güzârında
Bülend olmuş turur bir girddür dehrün mürûrından
                                                           
4 Yanup sûz-ı gam-ı hicrân ile âteş-penâh olmak
 Çok âsândur bana mihnet-keş-i vaslun sabûrından
 
5 Dil oldı mâ’ilî Âgâhveş bir hod-pesendün kim
Degül ben kendü de râzı degül tab‘-ı gurûrından
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,