Gönül bende tapuçı cân senündür
Ne buyursan şehâ fermân senündür
Hatâ kuldan atâ şehden hemîşe
Mürüvvet kânısın ihsân senündür
Felekler müşterîdür gün yüzüne
Süregör iy kamer devrân senündür
Süvâr ol devlet atına melik-vâr
Sa‘âdet topın ur meydân senündür
Susamışları iy Hızr-ı zamâne
Suvar kim Çeşme-i hayvân senündür
Bu gice cânumı kurbâna yazdum
Kabûl eyler isen mihmân senündür
Kapuna geldi Şeyhî âciz ü hôr
Eger ayb ola ger noksân senündür
(İsen vd. 1990: 127)
Şeyhi Hayatı Edebi Kişiliği Eserleri
Şeyhi Hüsrev-i Şirin Mesnevisi
