41
Fe‘ilâtün Fe‘ilâtün Fe‘ilâtün Fe‘ilün
 
1 Göñlümi kâşuña dir sünbül dildâra gider
Çekilür eñsesine sanki bu dil dâra gider
2 Dil gidelden beru kaldı ser-i zülfüñde senüñ
‘Aklumı sorar iseñ ara gelür ara gider
3 Ten libâsın dehenüñ görmek içün çâk idüben
Cân atup dâr-ı fenâya dil-i âvâre gider
4 Görmeden gitse benefşe çü güli gülşenden
Çekilür ensesine sanki hemân dâra gider
5 Sun‘î yumazsa bu gün eşk-i nedâmetle yüzin
İrte Hak hazretine şöyle yüzi kara gider
 
 
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep