170
mefʿūlü fāʿilātü mefāʿīlü fāʿilün

Göñlüme gāh nestren ü geh semen gelür
Dervīş ölüsine nice yerden kefen gelür

Cānlar virürin ölmege hecrüñde şöyle kim
Tābūt ile kefen baña serv ü semen gelür

Sünbül ṣaçuñla nergis·i bīmāruñ özleyen
Bād·ı ṣabā gibi ḳamu yoldan esen gelür

Ben ol dehāna yoḳ dir isem süz gelür baña
Yoḳ yirden ādemī söz işitmek neden gelür

Seng·i cefāyı yazmaz urur çarẖ·ı bī-vefā
Ben muʿteḳid aña ki başa yazılan gelür

Meyl iderüz Necātī gibi tevbeye velī
Ey ẖāce ḳorḳaruz yine vaḳt·i çemen gelür
 
 
Ali Nihad Tarlan, Necāti Divanı -