[Fâ’ilâtün Fâ’ilâtün Fâ’ilâtün Fâ’ilât]
− · − − / − · − − / − · − − / − · −
 
1 Göñlüm eglenmez benüm seyr-i cemâl-i yârsız
 Bülbül ârâm idemez zîrâ gül ü gülzârsız
 Yârı agyâr-ıla görüb gam yime ki olmaz göñül
 Gül hemîşe hârsız gencine dâyim mârsız
 Bir güzeller Hüsrevine düşdi bu göñlüm ki âh
 Bir dem ârâm idemez ol şûh-ı şîrîn kârsız
 Âferîn şol pür-safâ ‘aşk ehli sâfî meşrebe
 Su gibi bir dem karârı olmaya dîdârsız
5 Âh kim kavl ü karâr itdükce olmaz ber-karâr
 Nazmiyâ sabr u karârum alan ol ikrârsız
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr