[Fâ’ilâtün Fâ’ilâtün Fâ’ilâtün Fâ’ilât]
− · − − / − · − − / − · − − / − · −
1 Göñlüm eglenmez benüm ol şûh-ı şîrîn-kârsız
 Telh olur ‘ıyşum müdâm ol la’l-i şekker-bârsız
 Nice ârâm eylesün bir lahza cân cânânesiz
 Yâ nice kılsun karâr u sabr dil dildârsız
 Ol tabîb-i cân olan begler beginden dûr olub
 Olmışam dermânde derdâ kalmışam tîmârsız
 Cânum olurdı cüdâ endûh-ı gamdan âh eger
 Görebilsem bir dem ol cânânumı agyârsız
5 Nazmiyâ dögülmeden sögülmeden var itme ‘âr
 Kim reh-i ma’şûkda ‘âşık gerekdür ‘ârsız
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr