fāʿilātün fāʿilātün fāʿilātün fāʿilün
Ġonca-veş dervīş olanlar tercemān itmek gerek
Ḫırḳada pinhān olanı der-miyān itmek gerek
Mey gibi el üzre ṭutulmaḳ umanlar kendüyi
Pāy-māl·i ẖıdmet·i pīr·i muġān itmek gerek
Böyle ben mecnūn olınca gitdi ʿaḳl ü gitdi cān
Uṣlanınca bir kişi anca ziyān itmek gerek
Hey ne bilsün şīve·i reftārı serv·i ẖām-dest
Bir çoḳ elif bī gibi ol ḥarfi revān itmek gerek
Şöhret āfetdür dimişler dün ġarībüñdür göñül
Dūd u āhı sāye·i şebde nihān itmek gerek
Ey Necātī ẖaṭṭ ü ẖāl·i yārı gören kimsene
İʿtiḳād·ı fitne·i āẖır zemān itmek gerek
