121.
. . - - / . . - - / . . - - / . . –
1.Gonca-ı dil açılur gerçi ki nev-rûz olıcak
Aña hâcet mi kalur tâli‘i fîrâz olıcak
2.Zulmet-i ebr-i siyeh mânî olur mı seyre
Bâgda her gül-i ter meş‘ale-efrûz olıcak
3.Birbirin diñlemeyen tıfl-ı debistâna döner
Subh-dem gulgule-i murg-ı nev-âmûz olıcak
4.Diñelüp tursa nola karşuña cism-i sad-çâk
Ey kaşı yâ hedef-i nâvek-i dil-dûz olıcak
5.Tâbiş-i ‘aşk ile seyr eyle ‘Atâyî gazelin
Böyle olsa kişinüñ sözleri pür-sûz olıcak
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
