391-
Fâ`ilâtün Fâ`ilâtün Fâ`ilâtün Fâ`ilün
1 Gitmezem kaddüñ koyup cennetde Tûbâ seyrine
Sen melek-sîmânuñ olur gelse havrâ seyrine
2 Ol leb-i cân-bahş ile küfr ehli `Îsâdur sanur
Ey sanem gel varalum bir gün kilîsâ seyrine
3 Aglamakdan yeg gelür vasluñla şâd olmak baña
Ben kenâra `âşıkem gönderme deryâ seyrine
4 Yandugum yakıldugum derdüñle görmezler benüm
Kaysı `âşıkdur sanurlar varsa sahrâ seyrine
5 Sen mehi görmiş Ziyâ’î anda bayrâm eylemiş
Varsa `ayb itme benüm kıblem musallâ seyrine
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
