122
mef‘ûlü fâ‘ilâtü mefâ‘îlü fâ‘ilün
1 Gîsûların dökince o meh mû-miyâna dek
‘Uşşâkuñ el-amânı çıkar âsmâna dek
2 Sîr olsa bâri çeşmümüz ol âfitâbdan
Mislin felek getürmeye hayli zamâna dek
3 Va‘d-i visâli çıksa da tarf-ı lisândan
Harf-i cevâb ye’se döner gûş-ı câna dek
4 Ol şeh-süvâr virse visâle cevâb-ı ye’s
Sür esb-i âh-ı pür-şereri kehkeşâna dek
5 İtdi rakîbe gûşe-i çeşmiyle iltifât
İndürdi köhne şerhalarum üstühâna dek
6 Şeh-bâz-ı çeşmi göñlümi mecrûh kor gider
Ağyârı sayd idince sürer âşiyâna dek
7 Sûz-ı dilüñ yazınca senüñ Kâmiyâ kalem
Âteş düşer ‘Irak’daki neysitâna dek
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
