Mefâ`îlün mefâ`îlün mefâ`îlün mefâ`îlün
1 Girer koynına şem`ün gice pîrâhenle pervâne
Derûnında yer itmişdür dil-i rûşenle pervâne
2 Gül ü şem`ün yakar âteşlerin dâ'im söyindürmez
Nefesle `andelîb-i bî-nevâ dâmenle pervâne
3 Yakup şem`in kitâb-ı `aşk okur bir suhte var mı
Dilâ bî-vech meşhûr olmadı ol fenle pervâne
4 Sana âşık benüm yanumda gayrun nâmın andırma
Anılmaz şem` ile bülbül gül-i gülşenle pervâne
5 Ne denlü nâ-tüvân olsam da kaçmam `aşkdan Yahyâ
Tutuşdı şem` ile gördüm o lâgar tenle pervâne
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
