Fe`ilâtün Fe`ilâtün Fe`ilâtün Fe`ilün
1 Geydi ol şûh-ı cihân egnine zîbâ dîbâ
Oldı her kûşede şimdi gül-i beydâ peydâ
2 Devr-i gül dâim ü cânâne mülâyim ammâ
İdemez Zâl-ı zamân ile müdârâ Dârâ
3 Tâ`at-ı Hakkı koyup mâ’il-i hûbân oldum
Kimsede var mı ola bunca hatâ yâ âyâ
4 Beni ferdâya salup derdümi arturdı habîb
Cânuma eyledi te’sîr bu ferdâ derdâ
5 Hây şevk ehli Ziyâ’î gazelin ezberleñ
Sözi rengîn ü edâsı ter ü ma`nâ rânâ
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
