34
Mefâ‘îlün Mefâ‘îlün Mefâ‘îlün Mefâ‘îlün
1 Getürmeñ bâdeyi bezme ki gavgaya sebeb odur
Götürmez kimse meclisde anı bir delü kanludur
2 Birinde hâk-i pâyidür birisinde hayâlîdür
Dü çeşmim Yûsufı müşk ile tartar bir terâzûdur
3 Elif kadd-i nigâra nice öykinür utanmadan
Kalem barmak basar harfine anuñ bir siyeh-rûdur
4 Derûnum âteş-i gamdan göyündi şem‘-veş dûdum
Depemden çıktı başumda görinen sanmañuz mûdur
5 Gözüm peymânesinüñ cür‘asını dökdüm eflâke
Şafakdur sanmañ eflâki kızardan dem-be-dem odur
6 Bulutlar sanmañuz dâglar başında görinen dâyim
Dahi Ferhâd içün Sun‘î bu taglar kara yaslıdur
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
