[252]
Mefâ`îlün Mefâ`îlün Mefâ`îlün Mefâ`îlün
1 Getürdüñ çeşme hâk-i dergehin ey bâd hoş geldüñ
İderdi dil bu lutfı senden istib`âd hoş geldüñ
2 Revân-ı Kaysa sahrâda bulışdum didi ben gitdüm
Mahal saña beyâbân-ı cünûn-âbâd hoş geldüñ
3 Bugün gülşende gördüm `andelîbi geldi bâl-efşân
Didüm ey mübtelâ-yı `ışk-ı mâder-zâd hoş geldüñ
4 Göreydi Bîsütûn-ı gamda kâr-ı tîşemi Ferhâd
Dir idi bâreka`llâh âferîn üstâd hoş geldüñ
5 Bu şeb hâbumda vardum bezm-i `işret-gâh-ı cânâna
Sunup sâgar didi ey Nâmî-i nâ-şâd hoş geldin
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
