Mefâilün feilâtün mefâilün feilün
1 Getir şu câmı ele sâkî şeb olur olmaz
Biraz mey edelim nûş edeb olur olmaz
2 Nebât-ı neşveden olsun biri kifâyet eder
Bu bezmgâhda bintü'l-ineb olur olmaz
3 Gönül siyâhlara düşdü hevâ-yı zülf ile
Nûr-ı Hicâz'a gider isem aceb olur olmaz
4 Rebâb-ı sînemi gûş et visâl-i şevk ile
Hep ondadır nagamât-ı tarab olur olmaz
5 Suâl-i âşıka olmaz cevâb-ı müftî garîb
Ne bilsin âşık-ı şeydâ-lakab olur olmaz
6 Meğer kumâş-ı vefâ olmaya hemân yoksa
Bu kâr-hâne-i âlemde hep olur olmaz
7 Garaz bu bâğda Meşhûrî hâsıl olmakdır
Sözün çü mîve-i ter müntehab olur olmaz
Yaşar AYDEMİR-Halil ÇELTİK, MEŞHURÎ DİVANI (Tenkitli Metin), T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3196 KÜLTÜR ESERLERİ, Ankara 2009
