90.
- . - - / - . - - / - . - - / - . –
1.Germ olup ‘uşşâkını hûbâne dil-ber gösterür
Mîr-i mülk-i hüsndür gûyâ ki ‘asker gösterür
2.Bâr olur diyü meyân-ı nâzüke imdâd ider
Kabzaya el ursa dil-ber sanma hançer gösterür
3.‘İzzet idüp dilde cây itsem nola peykânına
Nâvek-i hûn-rîzüñ ögine düşer yir gösterür
4.Gonca-ı gül nakd-i cânın harc idüp bülbüllerüñ
Ylıda bir kez hüsrev-i nev-rûza defter gösterür
5.Ey ‘Atâyî vasl umar ‘âşık yüzin alup ele
Ehl-i kudret dil-ber-i sîmîn-tene zer gösterür
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
