64.
- - . / - . - . / . - - . / - . –
1.Gerdûne içre yâr ile ben mübtelâyı gör
Taht üzre pâdişâh ile kemter gedâyı gör
2.Mecnûn-ı zâr mahmil-i Leylâ’ya girdügin
Gel görmedüñse şimdi dil-i bî-nevâyı gör
3.‘Âşıkla dil-beri didi gerdûnede gören
Bir murg-ı zâre hem-kafes olmış hümâyı gör
4.Gerdûne içre tal‘at-ı cânâne kıl nazar
Halvetde sûfi pertev-i nûr-ı Hüdâ’yı gör
5.Cânâneden şikâyete ‘ahd eyle bir dahi
Gözle rızâ-yı yâri ‘Atâyî vefâyı gör
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
