Fâ‘ilâtün Fâ‘ilâtün Fâ‘ilâtün Fâ‘ilün(1)
1. Gerdenüñde kâkülüñ cân boynına salar kemend
‘Ârızuñ üstinde hâlüñ âteş üzre kor sipend
2. Dil hayâl-i çeşm-i la‘lüñ ile ey şîrîn-leb
Ol zücâce döndi k'içinde ola bâdâm u kand
3. Gülsitânda âh kıldum kadd-i bâlâñı añup
Dûdıdur gülşende görinen degül serv-i bülend
4. Pây-ı esbine o şâhuñ na‘l-i zerrîn yirine
Çihre-i zerdümi ko lutf eyleyüp ey na‘l-bend
5. Emriyâ zülf-i perîşânına el urmak neden
Ol perî-şânuñ sabâ gibi yiler oñmaz levend
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
