fe’ilâtün fe’ilâtün fe’ilâtün fe’ilün
1 Gerçi her bir güzele geydicegi şey yaraşur
Şâhed-i hüsne velî câme-i zülf ey yaraşur
2 Lafz-ı mühmel söz içinde yaraşıksuz ise de
Togrısı birbiri yanınca ney ü mey yaraşur
3 Bir yire geldigi dem bâde-keşân-ı hasret
Öyle meclisde tolu içme pey-â-pey yaraşur
4 Dilde bir tahtgeh-i Mısr-ı mahabbet var kim
Bir senüñ gibi o taht üzre şehâ Key yaraşur
5 ‘Arz-ı hâlümdeki şükr içre şikâyet matvî
Böyle tûmâra açılmakdan ise tay yaraşur
6 Hey begüm hey dimedi medhüñ okurken Pertev
Her ser-âgâzda hwânendeye hey hey yaraşur
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
