MefǾūlü/FāǾilātü/MefāǾīlü/FāǾilün
1. Gerçi bu teşne-dil leb-i cānāna ķaśd ider
Beňzer ki ķanına śuśadı cāna ķaśd ider
2. Yā Rab ne fitnedür yine devr-i ķamerde kim
Jengār-ı ħaŧŧuň āyīne-i cāna ķaśd ider
3. Śan kim ġazāl-i ħuftedür āhū gözüň velī
Her bir nažarda ādeme şīrāne ķaśd ider
4. Zülf-i ħamuň ki göňlümüzüň pençesin burup
Uzatdı el meger ki girībāna ķaśd ider[4]
5. Dil cān virüp diler ki ola saňa müşterī
Alçaķ bahāya Yūsuf-ı KenǾāna ķaśd ider[5]
6. Kimdür çerāġ-ı ĥüsnüňe dil virmesün diyen
Elbette şemǾa yanmaġa pervāne ķaśd ider[6]
7. Bunca ħadeng ü nāvek-i müjgān ile gözüň
Gūyā peleng-i bīşedür insāna ķaśd ider[7]
8. Yetişmek istedügi yüzüň mihrine Münīr
Burc-ı şerefde ŧāliǾ-i Keyvāna ķaśd ider
Ersen Ersoy, Münirî Dîvânı, : T.C. Kültür ve Turizm Bakanlığı Kütüphaneler ve Yayımlar Genel Müdürlüğü, 2017 ISBN: 978-975-17-3803-5 Ana Yayın Numarası: 3557 Kültür Eserleri Dizisi-560
