Mef’ûlü mefâîlü mefâîlü feûlün
Ger pîr-i mugândan haberin var-ise söyle
Ez-bâde-i aşk mâ-hazarın var-ise söyle
Gel aşk ile rüsvâ olanı etme melâmet
Ger tîr-i kazâya siperin var-ise söyle
Yâr iklîmine varmağa aşk oldu cenâhım
Ey zâhid eger gayrı perin var-ise söyle
Âzâde-iken aşka esîr oldu dil ü cân
Kurtarmağa birr-i hünerin var-ise söyle
Bir kuruca zühd ile benim arttı hicâbım
Yakmağa anı bir şererin var-ise söyle
Ger renc ede diler-isen zühd ü salâhın
Bed-nâmeye verdi zararın var-ise söyle
Şemsî ko yeter kâl tutagör hâl eteğini
Gizlice eger bir hünerin var-ise söyle
124 Şemseddin Sîvâsî Divanı • Recep Toparlı
