62
Mefâ‘îlün mefâ‘îlün mefâ‘îlün mefâ‘îlün
1 Gelür bâb-ı Hudâdan gam yeme rûzî müyesserdür
Yazılmışdur ne ise levh-i kudretde musarrahdur
2 Olursa mâlik-i gencîne-i Kârûn eger câhil
Safâ-yâb olamaz baksañ yine kalbi mükedderdür
3 Arada medhali yokdur hakîkat kimseniñ aslâ
‘Adâlet-hânede ancak hükm Aña müfevvazdur
4 Cenâb-ı pâdişâhîden mesâlih rü’yetiyçün gam
119
Duhûl eyler dîvân-ı göñle ilçi-i murahhasdur
5 Ne ma‘lûm cevher-i merdî libâs ü hem nümâyişle
Şuhûsuñ ‘izzet âsârı cebîninden müşahhasdur
6 Dil-i sâlik kıyâs itme bilâ-mürşid olur mir’ât
Hakîkat mürşid-i kâmil nigâhına muhassasdur
7 Çıkar mı hârice esrâr-ı nüsha bî-keşif Sıdkî
26b Rumûzın añlamaz herkes bu bir vefk-i müseddesdür
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
