455
. . - - / . . - - /. . - - /. . –
Gelünüz hoş dutalum câm ile eyyâmumuzı
Ne olursa görevüz sonra ser-encâmumuzı
Gözün aç hâleti çokdur mey-i nâbun sûfî
Meclis içinde tehî görme sakın câmumuzı
Nice teşbîh idelüm ‘ar’ ara ey bâd-ı sabâ
Biz yabanlarda mı bulduk o gül-endâmumuzı
Yine bir bûse alup cânumuza cân katalum
Ger kabûl eyler ise yâr bu ibrâmumuzı
Ne kadar hâr ü zelîl itse Revânî bizi yâr
Biz ana arturalum ‘izzet ü ikrâmumuzı
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8
