[fâ’ilâtün fâ’ilâtün fâ’ilâtün fâ’ilün]
 
1 Gelse tîrüŋ cân virür ta’zîm ider tenden geçer
Ey kemân-ebrû hayâlüŋ gerçi kim evden geçer
2 Serv-i âzâd ol şehüŋ görse hırâmın ola kul
‘Ar’ar u şimşâdı görseŋ hep o sancakdan geçer
3 Kûy-ı dil-berde seni şâyed görüp ide nişân
Tîr-i âhum ey rakîb-i seg sakın seg-zen geçer
4 Bu ne hâletdür fenâ bezminde dâyim sâkiyâ
Câm-ı ‘ışkuŋ kim ki nûş itdiyse kendinden geçer
5 Sîne-i Rahmîye gönder tîrüŋi ey kaşı yâ
Çâr-ebrû bir güzeldür çak göŋlümden geçer
 
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,