94.
- - . / . - - . / . - - . / . - -
1.Gelmez ten-i hâkîye o tîg-i müje bir kez
‘Âşıkları çok igne bıraksañ yire düşmez
2.Hâsid göricek mâr-sıfat dil uzadursa
Lutf eyle anuñ seng-i sitemle başını ez
3.Sâkî sunıcak câm-ı habâb-âveri sandum
Emdürdi lebin duhter-i gül-pîrehen-i rez
4.Mecnûn ile Ferhâd’a mahal kalsa yabanda
Kim dirdi koyup yâri aşagı yukarı gez
5.‘Âşıkda ‘Atâyî yog ise şeh-per-i himmet
Bî-hûde gezer ‘arsa-ı gamda nitekim gez
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
