Fâ‘ilâtün/ Fâ‘ilâtün/ Fâ‘ilâtün/ Fâ‘ilü
Gelmez ey dil gam palâsından baña dîbâ ‘azîz
Himmet ehline görinmez zînet-i dünyâ ‘azîz
Geçdi ‘ömrüm bir du‘â kılmadı vasl-ı yâr içün
Ben dimek yokdur mürâ’î sûfiye Amrâ ‘azîz
Düş ayagına tereddüd itme kim olmaz göñül
Rind-i dürd-âşâma pîr-i deyrden a‘lâ ‘azîz
Bûy-ı pîrâhen kaçan aydın ider gözüm didüm
Didi ol Yûsuf-likâ anca diyesin yâ ‘azîz
Râgıbuñdur şehr-i müstesnâları kim görinür
Dîde-i a‘yân-ı Mısr’a Yûsuf-ı zîbâ ‘Azîz
Devr-i hüsnüñde güzeldür ‘âşıkuñ hengâmesi
Kim olur hengâm-ı gülde bülbül-i gûyâ ‘azîz
Bûse-i la‘lüñ rakîb almak ölümdür ‘âşıka
Aña sabritmez Behiştî cân olur zîrâ ‘azîz
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
