Gelgil ki senden ayru dahı yâr bilmenem
Bî-gülşen-i visâl-i to gülzâr bilmenem
Virmen bu çarh-ı kec-rev-i gaddâra gönlümi
Ol tecrîdem ki âlem-i gaddâr bilmenem
Işkun kadîm ü mihr-i ruhun lâ-yezâl imiş
Men mundan özge nükte-i esrâr bilmenem
Hamr-ı lebünden esrimişem y’ez humâr-ı mey
Hamr-ı lebün kimi dahı hummâr bilmenem
5. Mansûrvâr egerçi meni dâra çekeler
Dârü’ş-şifâ direm men anı dâr bilmenem
Ger koymuşam libâsumı mey-hânede kirev
Ser-mest-i bâdeyem ser ü destâr bilmenem
Şem-i ruhunda cânumı pervâne kılmışam
Ol nâra düşmüşem dahı men nâr bilmenem
Peyveste kaşlarun kimi mihrâba bahmanam
Mestâne gözlerün kimi ayyâr bilmenem
Şerh-i lebün çü nutka getürdi Hakîkîyi
Men mundan özge nutk-ı dürer-bâr bilmenem
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368