Gelgil ki nûr-ı dîde cemâlündedür senün
Devr-i kamerde fitne hilâlündedür senün
Ağzun çü mîm ü zülf ü kaşun nûn u dâl imiş
Gönlüm hemîşe ol mîm ü dâlundadur senün
Zulmât içinde çeşme-i hayvân imiş lebün
Hızrun hayâtı âb-ı zülâlündedür senün
Âfâkı dutdı işve-i hüsnün melâhati
Ol fitneden ki merdüm-i âlündedür senün
5. Tâ rûz-ı haşr nûr-ı hidâyetdür ey sanem
Mısbâh-ı lem-yezel ki cemâlündedür senün
Hattun hesâbını bilen ehl-i habîre sor
Ol âyeti ki noktası hâlündedür senün
İster Hakîkî vaslunı Hakdan be-kâm-ı dil
Anun murâdı kâm-ı visâlündedür senün
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
