Gelen bu kalbe ecnâd-ı havâtırdan ne bâkim var

 
56
Mefâ‘îlün mefâ‘îlün mefâ‘îlün mefâ‘îlün
 
1 Gelen bu kalbe ecnâd-ı havâtırdan ne bâkim var
Sebâtı olmayan hülyâ-yı fâsidden ne bâkim var
2 Göñül kişveridür elbet konan göçen bulınur çok
Serây-ı dil ki vâsi‘dür ya mihmândan ne bâkim var
3 Disem gelmeñ bu iklîme gelürler hâh u ger nâ-hâh
‘Akıldan ise bu evzâ‘ ol evhâmdan ne bâkim var
4 Zebân-ı dilde ‘aşkıñ zikri kim bir İsm-i a‘zamdur
Gubâr-ı mâsivâdan ya meşâgilden ne bâkim var
5 İhâta eylese âb-ı tahûrı bir âlây hâşâk
Nesîm-i feyz âmâde ‘avârızdan ne bâkim var
6 Bakaruz sîret ü asla hele sûret-perest olmam
Tehâşîmiz muharrikdendür asnâmdan ne bâkim var
7 İşiñ aslını bilmeyüp hevâ-yı nefs ile Sıdkî
Hakımda güft-gû iden o nâ-dândan ne bâkim var
 
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0