Mefâ‘îlün/ Mefâ‘îlün/ Mefâ‘îlün/ Mefâ‘îlün
Gelel’den ‘âleme biz bendegân-ı Âl-i ‘Osmân’uz
Gedâyuz sûretâ ma‘nîde heft-iklîme sultânuz
Niçe sâhib-serîre efser olur hâkümüz zîrâ
Türâb-ı âsitân-ı hazret-i Sultân Süleymân’uz
Hakâretle nazar eyler gören ser-mest-i lâ-ya‘kıl
Selîmüñ câm-ı ‘ahdin nûş kılmış rind-i devrânuz
Zamân-ı devlet-i Sultân Murâd’a irdi ömr âhir
Murâda irmek olmadı müyesser nâ-murâdânuz
Sürûr-ı sûr-ı Şehzâde Mehemmed Hân’a irişdük
Gınâ-yı kalbe mâlik mazhar-ı envâ‘-ı ihsânuz
228
Mevâlî yazdı çizdi imtihân olmadılar ammâ
‘Aceb olmaz eger dirlerse bu işde peşîmânuz
Eger tahkîr iderlerse ne var ‘âlemde ey Ravzî
Bize yeter bu ‘izzet kim seg-i yâr ile yârânuz
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
